xuventudes socialistas de pontevedra

Xuventudes Socialistas de Galicia manifesta o seu apoio ós compañeiros e compañeiras das Juventudes Socialistas de Navarra

2007-08-13T03:55:00.000-07:00

As XSG manifestaron hoxe o seu apoio á decisión tomada polas Juventudes Socialistas de Navarra de presentar a súa dimisión por non estar dacordo coa decisión do PSN de acatar as directrices de Ferraz en relación ó futuro político de Navarra. Así o manifestaba hoxe a súa Sª. xeral, Loli Rodríguez Amoroso, “As JSN sempre teñen manifestado a súa preferencia por un pacto de progreso en Navarra. Ó non ver cumplido o seu obxectivo, parécenos dunha ética intachable e dunha valentía que non acostumamos a ver que presenten a súa dimisión por considerar que lle fallaron ó conxunto dos navarros e, especialmente, á mocidade”

Con respecto ás tensións que esto poida producir no seo do partido Loli Rodríguez opina que “non ten porque haber ningunha tensión, as Xuventudes Socialistas somos unha organización autóma, con posicionamentos políticos propios, cercanos ós do Partido Socialista, pero non sempre coincidentes” afirma Loli Rodríguez, que tamén di que “forma parte da autonomía da nosa organización manifestar o que pensamos, aínda que isto sexa contrario á opinión do partido”.

Dende a dirección nacional das Xuventudes Socialistas de Galicia enténdese e compártese a actuación dos compañeiros e compañeiras de Navarra.“A nós tampouco nos tería gustado que ningúen nos dixese se podiamos facer ou non goberno de progreso en Galicia”, manifestou Rodríguez Amoroso, que aproveitou a ocasión para solidarizarse cos compañeiros e compañeiras de Navarra, e, especialmente, coa súa Sª Xeral, Irene La Puerta, por defender con valentía os intereses da mocidade Navarra.

XUVENTUDES SOCIALISTAS DE GALICIA COA LIBERDADE DE EXPRESIÓN

2007-08-13T03:52:00.001-07:00

Política para nenos versus Telmo Martín

2007-05-31T08:35:00.001-07:00

Julio. Secretario Xeral de XSG Pontevedra.Hoxe voteille unha ollada o blog do señor Telmo Martín, ex-alcalde do PP en Sanxenxo e ex-alcaldable do PP en Pontevedra, digo ex-alcaldable xa que as eleccións municipais foron este domingo e parece que algúns aínda non se deron conta e seguen facendo a súa campaña particular. O leer a entrada titulada “Na Burbulla” quedei moi asombrado das afirmacións deste señor, non entendo como unha persoa que nos seus discursos utiliza infinidade de datos –en moitas ocasións mal utilizados- non é capaz de comprender unha simple suma.

Os resultados electorais en Pontevedra foron os seguintes:

Total votantes 44.217

Abstención 28.861

Votos nulos 304

Votos en blanco 950.
.

PP 19.387 (44.15 %). Concelleiros: 12

BNG 12.412 (28.26 %). Concelleiros: 7

PSdeG-PSOE 9.807 (22.33 %). Concelleiros: 6

Observando estes datos podemos afirmar que o 50.59% dos votantes -que non da poboación de Pontevedra- non se senten representados polo PP e polo tanto se o PSdeG – PSOE e o BNG queren chegar ou chegan a un acordo para gobernar esta cidade estarán representando o 50.59% dos votantes, e dicir, representarán a mais veciños que o Partido Popular.Resumindo señor Telmo 28.26% + 22.33% > 44.15%, entendo e comprendo que hoxe non teña a cabeza para sumar xa que onte pola noite saíu a celebrar ou a afogar penas polos bares de Pontevedra pero o comprende non?.

O compañeiro das Xuventudes Socialistas, Iván Puentes, novo alcalde de Fene

2007-05-30T05:29:00.001-07:00

As pasadas eleccións do 27 de maio deixaron nas Xuventudes Socialistas un sabor dulce, pois unha das apostas da nosa organización era, ademáis de apoiar ós nosos candidatos e candidatas nas nosas vilas e cidades, conseguir que o ata hai pouco Sª de Organización das XSG, Iván Puentes, alcanzase a alcaldía de Fene.

O pasado domingo os feneses e as fenesas deron o seu apoio maioritario ó Partido Socialista, convertindo esta candidatura na lista máis votada, con 7 concelleiros.

Caeu un dos bastións históricos do nacionalismo, o Concello de Fene, que levaba gobernando o BNG toda a democracia.Unha nova como esta, ademáis de enchernos de ledicia como membros das XSG, tamén demostra que a mocidade está preparada para asumir responsabilidades de goberno das diferentes institucións e que si o proxecto é sólido a cidadanía apoia tamén ós mozos e ás mozas.

Dende esta páxina web das xsg non nos queda máis que darlle a noraboa ó compañeiro Iván, mostrarlle todo o noso apoio e desexarlle tódolos éxitos nesta nova andadura. Si queredes ver a entrevista que lle fan hoxe a Iván pinchade aquí.

Visto en: XSG

o que sabe non pica

2007-05-30T05:26:00.000-07:00

A xornada celebrada en Pontevedra o pasado 28 de Abril todo un éxito, tanto pola concurrencia como polos temas que se trataron

2007-05-30T05:23:00.000-07:00

A vivenda, o emprego, o transporte e o lecer serán os eixos do programa socialista en materia de Mocidade Un total de 70 mozos e mozas chegados de toda Galicia participaron na Xornada sobre Políticas Municipais de Mocidade celebrada en Pontevedra o pasado sábado e organizada polas Xuventudes Socialistas. Tere Casal acodeu a abrir e clausurar un acto que, ademais, serveu para adiantar as principais liñas programáticas que, para a mocidade, presentamos os socialistas pontevedreses.

A número 1 da lista do PSdeG-PSOE lembrou que Pontevedra ten máis de 40.000 persoas con menos de 40 anos, o que supón máis da metade da poboación e converte á nosa cidade na máis nova, proporcionalmente, de toda Galicia. Por iso, dixo, é imprescindible que dende o Concello se continúe a ruta que está a emprender a Xunta de Galicia con medidas como a lei que vai obrigar a reservar un mínimo dun 40% das vivendas construídas para pisos protexidos. Lamentou Teresa Casal que a sociedade acabe aceptando como algo normal a traxedia cotián que supón que os mozos non se poidan independizar dos seus pais e que o importe medio das hipotecas creceran na cidade un 150% en cinco anos. Volveu avogar pola creación da Empresa Municipal de Vivenda e Xestión do Solo como un órgano adicado a impulsar decididamente un aproveitamento máis racional dos polígonos urbanísticos, que pase da monetarización que actualmente fai o Concello dos aproveitamentos que lle corresponden, a unha nova concepción baseada na loita polo abaratamento da vivenda.
Por outra banda, Tere Casal aludiu ós pasos que o Concello xa está a dar para crear emprego entre os mozos. Referiuse á Iniciativa Local de Emprego Social, ILES, na que están a participar 125 persoas que, curiosamente, dixo son maioritariamente persoas con estudos universitarios e que non atoparon emprego. No ILES, no que a presencia feminina e aplastantemente maioritaria, dixo, dáselles a formación á que non puideron acceder para encaixar no mercado de traballo e, de feito, incidiu, os índices de inserción laboral están a ser significativos. Tamén recordou o traballo feito coa Escola Obradoiro de Monte Porreiro, que conclúe este mes de xuño, e a inminente posta en marcha do Obradoiro de Emprego.
A candidata socialista referiuse tamén á próxima implantación do Convenio do Transporte Interurbano e Interparroquial, en colaboración coa Xunta, que ela quere reforzar coa construción dun carril-bus perimetral e unha conexión áxil co campus universitario. Finalmente, Tere Casal lembrou os programas xa postos en marcha dende a Concellaría de Benestar Social como Noites Abertas, a web para grupos de música xoven, así como así como as iniciativas para poñer en marcha un centro de información afectivo-sexual “Quérote” ou o local de ensaio que se vai habilitar na nave da estación de Renfe.
A Xornada tamen contou coa presenza e a participación de Julio Castela, secretario de Xuventudes Socialistas de Pontevedra e número 8 da candidatura de Tere Casal; o parlamentario Guillermo Meijón; o técnico do Concello da Coruña, Rubén Bouyón; a concelleira de Xuventude de Vilagarcía, María Araújo; a concelleira de Benestar Social de Pontevedra, Margarita Castejón; a concelleira de Mocidade de Cerdeda, Silvia Fraga; o parlamentario José Manuel Lage; a secretaria xeral de Xuventudes Socialistas de Galicia e presidenta do Consello Galego da Xuventude, Dolores Rodríguez; o sociólogo e politólogo José Manuel Rivera e o deputado en Cortes Antón Louro.

Mulleres inmigrantes no día da muller

2007-03-08T08:37:00.000-08:00

Julio. Secretario Xeral de XSG Pontevedra. No día da muller nos reunimos para conmemorar unha data na que os homes e as mulleres de todo o mundo, separados por fronteiras, diferenzas culturais, lingüísticas, económicas, políticas e sociais se unen para reivindicar a igualdade entre homes e mulleres. Dende que a francesa Olympe de Gouges fora guillotinada en 1793 por revelarse contra o poder establecido e soster que as mulleres tiñan os mesmos dereitos que os homes pasaron moitos anos pero as súas ideas quedaron plasmadas na sociedade, ata que en 1998, na Conferencia Mundial dos Dereitos Humanos, a ONU afirma por primeira vez que os dereitos da muller son parte inalienable, integrante e indivisible dos dereitos humanos universais.

Dende o inicio desta celebración en 1909, de conformidade cunha declaración do Partido Socialista dos Estados Unidos de América o 28 de Febreiro, o día da muller adquiriu unha nova dimensión mundial. Este crecente movemento internacional da muller contribuíu a que esta conmemoración sexa un punto de converxencia das actividades coordinadas en favor dos dereitos humanos da muller. Neste día temos a oportunidade de reflexionar sobre os avances conseguidos pero non debemos deixar de loitar pola igualdade e a xustiza social para garantir que os valores fundamentais e universais da liberdade, a democracia, a paz e os dereitos humanos se apliquen igualmente ás mulleres, xa que na actualidade aínda existen diariamente casos de discriminación, diferenzas raciais e violencia contra as mulleres e as nenas.

Na actualidade vivimos nun mundo globalizado, nun mundo onde se mesturan diferentes culturas, un mundo onde convivimos nun mesmo pais, nunha mesma cidade e incluso nun mesmo edificio con persoas de outras nacionalidades, dunha cor de pel diferente ou distinta lingua pero debemos de ter moi claro que estas diferenzas constitúen unha riqueza para o mundo, para a nosa sociedade e para nos mesmos e nunca poden ser utilizadas para xustificar prácticas dañinas nin para negar os dereitos humanos, dereitos que temos todos e polos que sempre debemos loitar para conservalos e para que sexan respectados.

Estamos todos de acordo en que a globalización conduce a inmigración, esta afecta cada vez mais a un número maior de persoas e países. As mulleres vense implicadas en procesos migratorios rexionais e internacionais para encontrar traballo, para escapar de desastres naturais, das guerras, da represión política, da discriminación e da violación dos seus dereitos, todo isto o podemos resumir en que a inmigración ten como finalidade a mellora na vida cotiá dos inmigrantes e dos seus fillos, o único que busca a muller canto toma a difícil decisión de migrar non é mais ca un acto de esperanza, unha esperanza na busca de mellores oportunidades ou simplemente unha oportunidade que non teñen nos seus países de orixe e a mellor forma que temos para poder axudar é conseguir un mundo mais xusto. Temos que conseguir que estas mulleres participen e sexan protagonistas nas políticas de integración. Todas as culturas son dinámicas e polo tanto cambiantes na relación con outras, cando as mulleres inmigrantes reivindican os seus dereitos están actuando como axentes do cambio.

Nos nosos postos de traballo, no noso entorno podemos observar a moitas persoas que séntense ameazados pola presenza de inmigrantes, pode ser que teman unha maior competencia no mercado laboral ou que sentan inseguridade polos cambios que implican na sociedade a diversidade cultural. Pero a realidade é que parte da prosperidade da nosa economía e gracias a inmigración, este conflito debe ser superado.

En España residen cerca de catro millóns de inmigrantes, o que representa un da cada dous fogares novos, a chegada dos inmigrantes e a súa incorporación o mercado laboral explica parte do crecemento da economía do noso país. No mes de Novembro o goberno dou a coñecer o primeiro cálculo oficial sobre o impacto económico da inmigración, neste se destaca que a inmigración contribuíu a crear a metade do crecemento do Produto Interior Bruto dos últimos cinco anos. A inmigración tamén compensou a baixa tasa de natalidade, activou o consumo en alimentación, ocio, servizos etc... e liberou ás familias de parte das súas responsabilidades o confiar os seus rapaces e anciáns a unha man de obra doméstica barata procedente da inmigración, mais en concreto das mulleres inmigrantes. En Pontevedra, na nosa cidade convivimos con mais de 1500 mulleres inmigrantes e a súa incorporación laboral prodúcese de forma maioritaria no servizo doméstico, moitas veces en situacións de economía sumergida sen dereitos laborais, sanitarios, sociais nin sindicais.

As mulleres traballan máis que os homes e se este traballo se reflejara nas estatísticas seguramente destruiríamos o mito de que os homes son os que mantemos o fogar.

A realidade é que inmigración é unha fonte de oportunidades e tamén unha modernización da cultura.

Quero tamén facer fincapé en que aínda que englobemos a todas as mulleres baixo a etiqueta de “inmigrantes”, non nos debemos de esquecer nunca do rostro concreto da persoa, porque por moitas etiquetas que se lles poñan son persoas coma todos nos.

Gustaríame recalcar que son moitos os avances conseguidos pero temos que seguir loitando para que se recoñezan moitos dereitos que hoxe en día non teñen, seguir loitando día a día porque loitar tamén é educar.
.

Jovenes y Política

2007-03-07T08:19:00.000-08:00

Julio. Secretario Xeral de XSG Pontevedra. Mirando o informe jovenes e política elaborado polo INJUVE, a FAD e a Obra Social de Caja Madrid non podo mais que levarme as mans a cabeza. Cal é a realidade da mocidade española cando a pregunta que facemos é ¿interésache a política?. Todo temos unhas inclinacións políticas xa veñan derivadas por afinidade, principios ou calquera outra cuestión, pero sempre que preguntan o futuro da sociedade, a mocidade pola política, o interese xeral é escaso, case o 50% da mocidade española non ten interese ou está pouco interesado na política.

Non podo entender como sendo o sector máis afectado polo desemprego, a temporalidade no traballo etc... non nos interesa a política e canto menos ser protagonistas da vida política. Cada día que pasa nos din que a mocidade non ten interese polos proxectos colectivos, non temos coñecementos e non estamos preparados para ser a alternativa, nos repiten que non temos capacidade de decisión e nos temos puntos de vista. ¿Cómo ve a sociedade a xuventude? Está moi claro que coma un camiño ata a vida adulta, e como tal estes adultos non valoran a nosa voz, a nosa opinión, non quitan a nosa capacidade de manifestarnos socialmente. A todas estas persoas eu lles digo que si me interesa a política, si teño opinión propia e temos os coñecementos e a preparación para poder ter esa capacidade de decisión que nos negan, non poden dicir que somos a xeración mais preparada e pola contra que non podemos participar e por sorte somos moitos os xovenes interesados por estes temas e o demostramos cando vamos as urnas, o 80% da mocidade vota ou esta disposta a votar fronte o 16% que non votan, estes datos extráense do informe antes citado. ¿Cómo pode ser que non nos interese a política e polo contrario vaiamos todos maioritariamente a votar?.

Xuventudes Socialistas critica o proceso de selección do persoal das Galescolas

2007-02-28T03:54:00.000-08:00

Loli Rodríguez afirma que “O proceso de selección carece da transparencia que ten que ter un procedemento levado a cabo por unha administración pública"

As XSG criticaron hoxe o proceso de selección do persoal das Galescolas, a rede galega de escolas infantís que creará en toda Galicia un total de 99 escolas.

Así o manifestaba hoxe a súa Sª. xeral, Loli Rodríguez Amoroso, “As comisións de valoración están formadas por cinco persoas, dúas en representación do Consorcio, unha en representación de Vicepresidencia e dúas polo Concello. En ningún lugar das bases figura que estas persoas teñan que ter competencias en materia educativa, entón, con arreglo a que criterios se valorará a capacidade dos/das aspirantes?”.

“Discrepamos do método elixido para dotar de persoal ás escolas infantís. Supón unha discriminación en relación coa selección a través de oposición que se fai no sistema educativo público” afirma Loli Rodríguez. Dende a dirección nacional das Xuventudes Socialistas de Galicia critícase a excesiva importancia que se lle dá á entrevista persoal, en comparación con outras fases, como pode ser o concurso.

“Non parece moi proporcionado que a fase de concurso, na que se recollen os méritos, titulación, cursos de formación… dos/das aspirantes se valore como máximo con 10 puntos, e unha entrevista persoal, sempre moito máis discrecional, se valore ata con 8 puntos”, manifestou Rodríguez Amoroso.“Non parece moi xusto que un curso de formación de 200 horas teña como máximo 0.3 puntos, en comparación coa valoración desa entrevista persoal”.

A máxima responsable das XSG manifestou que “non entendemos que a proba de coñecemento da lingua galega se teña que pasar dúas veces.”

“Para poder optar hai que presentar un certificado do curso de iniciación ou perfeccionamento de lingua galega ou superar unha proba na fase de oposición. Mais logo, na fase da entrevista, ten que acreditarse de novo a mesma aptitude, para o cal a entrevista se desenvolverá en galego. Con arreglo a que criterios se valora se o coñecemento é suficiente? Está capacitado/a o entrevistador para valorar este extremo? Esíxeselle ó/á entrevistador/a que acredite o seu coñecemento da lingua?

Segundo as Xuventudes Socialistas este é un procedemento nalgúns extremos arbitrario, que non garante a concorrencia dos principios de igualdade, mérito e capacidade e impropio dunha entidade pública.

Noticia publicada: La Voz de Galicia

......... .. .........Xuventudes Socialistas de Galicia.

XSG Pontevedra invítate ó Ravachol

2007-02-28T02:14:00.000-08:00

Dirixida ós mozos/as pontevedreses, para darlles a coñecer a organización e escoitar as súas propostas.

A agrupación local de Pontevedra das Xuventudes Socialistas organiza esta noite unha festa no pub Dejavu, as 22.00 h.

Según palabras do Secretario Xeral das XSG- Pontevedra, Julio Castela, “esta festa pretende dar a coñecer ás Xuventudes Socialistas entre os máis novos de Pontevedra. Que saiban o que facemos é fundamental para que se acheguen a nós. Queremos escoitalos, escoitar as súas propostas para mellorar a cidade”

“Quixemos fuxir das típicas reunións e discursos. Pensamos que un ambiente xuvenil e distendido quizais fose máis apropiado para falar do que lle preocupa á mocidade pontevedresa”, comentou tamén o responsable das XSG Pontevedra.

Quedades pois todos e todas invitados a participar!